Татарстанда 25 апрельдән янгынга каршы махсус режим кертелә

ТР Министрлар Кабинеты карары буенча республикада 25 апрельдән янгынга каршы махсус режим кертелә. Документ нигезендә, ул 15 майга кадәр дәвам итәчәк. 

Бу вакытта учак ягу, көнкүреш калдыкларын, коры үлән һәм чүп-чар яндыру тыела. Моннан тыш, торак пункт, бакчачылык ширкәтләре территориясендә яки балалар лагерьларында мангал һәм шундый башка корылмаларда ризык әзерләү тыела.

Бу чикләү рестораннарга, кафеларга, барларга һәм башка җәмәгать туклануы объектларына кагылмый.