Татарстанда балигъ булмаганнар иң еш кыла торган җинаятьләр аталды

Татарстанда балигъ булмаганнар күбрәк икътисади җинаять кылуда гаепләнә. Бу хакта мәгълүматны ТР буенча Эчке эшләр министрлыгының вәкаләтле участок полиция хезмәткәрләре һәм балигъ булмаганнар эшләре идарәсе башлыгы урынбасары Лариса Осипова җиткерде.
Осипова сүзләренчә, нигездә бу — урлашу. Гадәттә бу кылган гамәлләреңнең нәтиҗәсен күз алдына китермәүдән, белмәүдән. Шуңа күрә ведомство хезмәткәрләре профилактик әңгәмә һәм лекцияләр үткәрә. 
Яшүсмерләр еш кына кылган җинаятьнең нәтиҗәсе турында уйламый. Тик законнарны белмәү җаваплылыктан азат итми, дип ассызыклады Осипова.