Татарстанда газлаштыру мәсьәләләре буенча «кайнар линия» узачак

27 майда 10.00 сәгатьтән 12.00 сәгатькә кадәр Татарстан Республикасы Иҗтимагый палатасында «2021-2025 елларга төбәкләрне газ белән тәэмин итү һәм газлаштыруны үстерү программасы» н тормышка ашыру мәсьәләләре буенча «кайнар линия» узачак. 

Әйтергә кирәк, «кайнар линия» инде икенче тапкыр үткәрелә. Беренче линиягә 100дән артык татарстанлы мөрәҗәгать итте, алар үз сорауларына җаваплар алды. 

Гражданнарның сорауларына Татарстан Республикасы сәнәгать һәм сәүдә министрлыгы, Татарстан Республикасы Хезмәт, мәшгульлек һәм социаль яклау министрлыгы һәм «Газпром трансгаз Казан» ҖЧҖ хезмәткәрләре җавап бирәчәк. 

«Кайнар линия» телефоны 8(800) 350-44-72.