Татарстанда җил парклары булдыру мәсьәләсе якындагы елда хәл ителәчәк

Татарстанда җил паркларын киләсе елда төзи башларга планлаштыралар. Бу хакта Татарстанның сәнәгать һәм сәүдә министры Альберт Кәримов сөйләде. 

Инвесторлар җил паркларын булдыру өчен мәйданчыкларны өйрәнә. Аларның һәрберсе 60тан 200мВтка кадәр «яшел» энергия эшләп чыгарачак.

Кәримов киләсе елда карарлар кабул ителер дип ышана. Алга таба дәүләт ярдәме чаралары рәсмиләштереләчәк һәм 2021-2022 елларда төзелеш башланачак.