Татарстанда кичә COVID-19 белән авыруның 97 яңа очрагы теркәлгән

Татарстанда соңгы тәүлектә короновирус йоктыруның 97 яңа очрагы ачыкланган. Яңа вирус йоктырган 24 кеше хастаханәгә озатылган, 73 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 5, 18дән 30 яшькә кадәр — 9 , 30дан 50 яшькә кадәр — 31, 50дән 60 яшькә кадәр — 15, 60тан 70 яшькә кадәр — 22, 70тән 80 яшькә кадәр — 9, 80нән 90 яшькә кадәр — 6 очрак ачыкланган.

Казанда — 54, Чаллыда — 12, Яшел Үзән һәм Лаеш районнарында — 4шәр, Түбән Кама һәм Кукмарада — 3шәр, Буа, Кама Тамагы, Менделеевск, Саба, Тукай һәм Чистай районнарында — 2шәр, Арча, Бөгелмә, Югары Ослан, Алабуга һәм Балык Бистәсе районнарында берешәр кеше йоктырган.

25 декабрьгә алынган мәгьлүматлар буенча, Татарстанда барлыгы COVID-19 белән авыруның 12 680 очрагы теркәлгән. 
Пандемия башланганнан бирле коронавирус инфекциясе йоктырган 10 594 кеше савыккан, узган тәүлектә — 20 кеше.