Татарстанда коронавирус инфекциясеннән өч кеше вафат булган

1944 елда туган ир-ат ике яклы пневмония белән хастаханәгә китерелгән. Авыруның хроник чирләре булуы билгеле.

1949 елда туган ир-ат пневмония белән хастаханәгә китерелгән. Хроник авырулары да булган.

1957 елда туган ир-ат пневмония белән хастаханәгә китерелгән. Йөрәк-кан тамырлары системасы авырулары сәбәпле, авыруның хәле кискенләшкән.

Барлык очракта да, үлемнең сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.

Туганнары һәм якыннарының кайгысын уртаклашабыз.

Пандемия башланганнан бирле 22 ноябрьгә 131 үлем очрагы теркәлгән.