Татарстанда коронавирустан тагын ике үлем очрагы расланды

1949 елда туган Нурлат районында яшәүче бер ир-ат ике яклы пневмония белән үзәк район хастаханәсенә озатыла. Коронавирус инфекциясе лабораториядә расланган. Хәле авыр булу сәбәпле, пациент ИВЛ аппаратына тоташтырыла. Уздырылган дәвалау уңыш китерми, 23 июнь көнне ир-ат вафат була. 
Яр Чаллыда яшәүче бер ир-ат ике яклы полисегмантар пневмониянең авыр дәрәҗәсе белән катлауланган COVID-19 инфекциясе белән 5нче Шәһәр хастаханәсе базасындагы вакытлыча оештырылган йогышлы авырулар госпиталенә озатыла. Пациентның хроник авырулары булу сәбәпле, хәл катлаулана, дәвалау тиешле нәтиҗә бирми. 8 июльдә үлем констатацияләнә.
Ике очракта да үлем сәбәбе патологоанатомик экспертиза нәтиҗәсендә раслана. Вирус идентификацияләнгән.

Фото: pixabay.com