Татарстанда соңгы тәүлектә 236 кеше COVID-19 йоктырган

Яңа вирус йоктырган 89 кеше хастаханәгә озатылган,147 кеше өйдә дәвалана.

Казанда — 108, Буада — 16, Чаллыда — 14, Яшел Үзән һәм Түбән Камада — 11, Сабада — 9, Чистайда — 6, Балык Бистәсендә һәм Биектауда — 5, Баулыда һәм Яңа Чишмәдә — 4, Актаныш, Апас, Арча, Югары Ослан, Алабуга һәм Лаеш районнарында — 3шәр, Әгерҗе, Алексеевск, Әтнә, Чүпрәле, Кама Тамагы, Менделеевск һәм Тәтештә — икешәр, Азнакай, Балтач, Бөгелмә, Кайбыч, Кукмара, Нурлат, Питрәч, Сарман, Спас, Тукай, Ютазы районнарында берешәр кеше йоктырган.

2 декабрьгә алынган мәгълүматлар буенча, Татарстанда барлыгы COVID-19 белән авыруның 38 524 очрагы теркәлгән.

Пандемия башланганнан бирле коронавирус инфекциясе йоктырган 32 006 кеше савыккан. Узган тәүлектә — 270 кеше.

Барлыгы 2 053 827 кешегә прививка ясалган. Шулардан 1 591 425 кеше прививканың икенче дозасын ясаткан.