Татарстанда тәүлек эчендә 26 коронавирус очрагы ачыкланган

Татарстан Республикасында коронавирус инфекциясе белән зарарлануның 26 яңа очрагы расланган. Бу хакта ТР буенча COVID-19га каршы көрәш штабы хәбәр итә. 
5 кеше хастаханәләргә озатылган, 21 кеше өйдә дәвалана. Авыручыларның төп яшь төркемнәре түбәндәгечә: 18дән 30 яшькә кадәр — 2, 30дан 50 яшькә кадәр — 12 очрак, 50дән 60 яшькә кадәр — 5 очрак, 60тан 70 яшькә кадәр — 3 очрак, 70тән 80 яшькә кадәр 4 очрак ачыкланган. 
Казанда — 16, Апаста 2 кеше коронавирус йоктырган. Яр Чаллы, Бөгелмә, Буа, Югары Ослан, Лаеш, Лениногорск, Нурлат, Сарман районнарында берәр очрак теркәлгән. 
11 сентябрь Татарстанда COVID-19 белән авыруның 6787 очрагы теркәлгән. Эпидемия башланганнан бирле коронавирус расланган 5602 кеше савыккан, соңгы тәүлектә — 10 кеше.