Татарстанда төзүчеләрне электрон хезмәтләрдән файдаланырга чакыралар

Күп кенә юридик затлар һәм төзүчеләр үз эшчәнлегендә электрон хезмәтләр кулланмыйлар. Татарстанда 2020 ел башыннан башлап, төзелешкә онлайн режимда рөхсәт алырга мөмкин.
ТР Төзелеш, архитектура һәм торак-коммуналь хуҗалык министры урынбасары Владимир Кудряшев билгеләп үткәнчә, әлеге хезмәтне барлык районнарда да алу мөмкинлеге бар. 
«Кызганычка каршы, әлегә без шәһәрлеләр һәм юридик затларның моның белән актив файдаланмавын күрәбез, әмма без төзелеш белән бәйле барлык хезмәтләрне электрон рәвешкә күчерү турында актив рәвештә сөйләүне дәвам итәчәкбез», — дип хәбәр итте Владимир Кудряшев.