Татарстанда узган тәүлектә короновирус йоктыруның 94 очрагы ачыкланган

Татарстанда соңгы тәүлектә короновирус йоктыруның 94 яңа очрагы ачыкланган. Яңа вирус йоктырган 33 кеше хастаханәгә озатылган, 61 кеше өйдә дәвалана. 
Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 8 , 30дан 50 яшькә кадәр — 24, 50дән 60 яшькә кадәр — 14, 60тан 70 яшькә кадәр — 27, 70тән 80 яшькә кадәр — 8, 80нән 90 яшькә кадәр — 9 очрак ачыкланган.
Казанда — 64, Чаллыда — 8, Түбән Кама һәм Балык Бистәсе районнарында — 3шәр, Яшел Үзән, Лениногорск, Саба һәм Тәтеш районында — 2шәр, Аксубай, Әлмәт, Бөгелмә, Буа, Югары Ослан, Лаеш, Норлат һәм Тукай районнарында берешәр кеше йоктырган.
11 декабрьгә алынган мәгьлүматлар буенча, Татарстанда барлыгы COVID-19 белән авыруның 11 323 очрагы теркәлгән. 
Пандемия башланганнан бирле коронавирус инфекциясе йоктырган 9922 кеше савыккан, узган тәүлектә — 98 кеше.