Татарстанлыларны фермер мәктәбенә чакыралар

27-29 октябрьдә «Идел» яшьләр үзәгендә Яшь фермер мәктәбе узачак. Биредә фермер эшен ачарга теләүче эшмәкәрләр җыелачак. 
Программа үз эченә «Бизнесны башлап җибәрү», «Үсеш юллары» һәм Аавыл хуҗалыгы бизнесын алга җибәрү" кебек блокларны кертә.

Мәктәп эшмәкәрләрне үз бизнесларын алып бару серләренә өйрәтәчәк. Уку тәмамланганнан соң дәүләт үрнәгендәге сертификат бирелә, ул Татарстан Республикасы Авыл хуҗалыгы һәм азык-төлек министрлыгының грант конкурсларында өстәмә баллар алуны күздә тота. 
Теркәүне 22 октябрьгә кадәр узарга мөмкин. 

Оештыручылар билгеләп үткәнчә, укуларга коронавируска каршы вакциналаштыру турында QR-кодлары булган кешеләр генә кертелә.