Тавыш бирү участокларында көн саен дезинфекция үткәреләчәк

ТР Үзәк сайлау комиссиясе рәисе Андрей Кондратьев хәбәр иткәнчә, илнең Төп законына төзәтмәләр буенча тавыш бирү участокларында көн саен дезинфекция үткәреләчәк. Бу хакта «Татар-информ» мәгълүмат агентлыгы яза.
Кабиналар, җиһазлар, стеналар һәм башкалар эшкәртеләчәк. Дезинфекциядән соң бинага керү юлы ябылачак. Шулай ук дымлы җыештыру көн дәвамында башкарылачак. 
Алабугада тавыш бирү өчен — 39, районның авыл җирлекләрендә 23 участок үз ишекләрен ачачак.