ТР Икътисад министрлыгы кризиска каршы Zoom-форум оештыра

Татарстанда Россия эшкуарлары көнендә онлайн режимда форум узачак. Анда бөтен Россиядән эшмәкәрләр катнашачак.

Чараны ТР Икътисад министрлыгы оештыра. Чара үз-үзеңне изоляцияләү режимыннан чыгу темаларына кагылачак. Бизнесменнар тәҗрибә уртаклаша, шул рәвешле бер-берсенә ярдәм итә алачак.

Шулай ук катнашучылар экспертлар, хакимият вәкилләре белән онлайн режимда аралаша алачаклар.

Онлайн чара 26 майда 15 сәгатьтә Zoom платформасында һәм “Эшкуарлык фабрикасы” проектының YouTube каналында узачак.