ТР Президенты мәктәп каникулларын күчерергә кушты

Санитар-эпидемиологик режим кертелүгә бәйле рәвештә, Рөстәм Миңнеханов мәктәп каникулларын 19 марттан башларга кушты.

Укучылар дүшәмбедән каникулга китәргә тиеш иде, ләкин коронавирус куркынычы янау сәбәпле, каникуллар бу атнада башланачак, дип хәбәр итә “Татар-информ” мәгълүмат агентлыгы. Шулай ук Казан мәктәпләренә, каникулларны озайтырга туры килсә, дистанцион укытуны оештыру мәсьәләсен дә хәл итү йөкләнде.

Республикада 15 апрельгә кадәр махсус санитар-эпидемиологик режим кертелде, ул массакүләм чараларны күчерүне күздә тота.