ТРда ТАССРның 100 еллыгы уңаеннан массакүләм чаралар августка җитәрәк узачак

ТРда ТАССР йөзьеллыгы уңаеннан массакүләм чараларны җәйнең икенче яртысында үткәрергә планлаштыралар. Бу хакта массакүләм мәгълүмат чаралары вәкилләре белән онлайн-очрашуда ТР Мәдәният министры Ирада Әюпова хәбәр итте.
«Җәйнең икенче яртысында без массакүләм чаралар үткәрә алырбыз дип өметләнәм [Җиңүнең 75 еллыгы һәм ТАССРның 100 еллыгы тематикасы буенча]. Алар августка җитәрәк башланачак», — диде Ирада Әюпова.
Бүген истәлекле даталарга багышланган чаралар социаль челтәрләрдә онлайн-форматта алып барыла.