Яңа заводка нигез салынды

"Сария Био Индастрис Волга" ҖЧҖ компаниясе март аенда ук инде "Алабуга" МИЗы резиденты статусы алган иде. Ул Европада көнкүреш һәм сәнәгать калдыклары җыю һәм эшкәртү белән шөгыльләнә торган әйдәп баручы дөньяви компаниянең бер өлеше . Алабугада компания чистартылмаган майлар һәм терлекләр өчен әзер азык җитештерү белән шөгыльләнәчәк.

"Алабуга" МИЗына барганчы ТР Президенты район башлыгы Геннадий Емельянов озатуында Городищенская урамында топ-менеджерлар йортын карады һәм үз тәкъдимнәрен әйтте.