Ярминкәләр дәвам итә

Авыл хуҗалыгы товарларын җитештерүчеләр һәм сатып алучылар өчен дә уңышлы булган көзге ярминкәләрнеңсоңгы көннәре. Сентябрь һәм октябрь айларында узган ярминкәләрдә алабугалылар 424 тонна бәрәңге һәм башка яшелчәләр, 23 тонна ит, 133 тонна ашлык сатып алган. Уртача 11 миллион сумлык товар сатылган. Шәһәр башкарма комитетының сәүдә бүлеге җитәкчесе Айрат Шәмсетдинов әйтүенчә, халык соравы буенча бу ялларда тик бер урында - Иске базар территориясендә генә ярминкә оештырылачак, Гелон янәшәсендәге мәйданда авыл-хуҗалыгы товарлары сату төгәлләнгән.