Алабугада Җиңү көнен уңаеннан бәйрәм чаралары үтә

Рәсми өлештән соң халык күңел ачулары, театраль тамашалар, шәһәрнең бию коллективлары чыгышлары башланып китте.

Шәһәрнең иҗат коллективлары, Алабуга мәдәният һәм сәнгать көллияте студентлары һәм укытучылары «Җиңү кинолентасы» дип исемләнгән театральләштерелгән тамаша әзерләгән иде.

Шишкин буаларында хәрби-кыр госпитале, хәрби-кыр кухнясы һәм башка инсталляцияләр оештырылган. Рөстәм Нуриев мөхтәрәм кунаклар белән инсталляцияләрне карап чыкты.