Степан Шамаев: «Бу җиңүгә үзебез ирештек»

Степан Константинович Шамаев Удмурт АССРның Грахово авылында 1927 елның 21 октябрендә туган. 1944 елда аны армиягә алганнар. Флотка җибәргәннәр. 1945 елга кадәр Төньяк Флотта миначы-торпедачы булырга укыган. Япония белән сугышта катнашкан. 1951 елда демобилизацияләнгән. «Японияне җиңгән өчен» медале, «Фронтчы» билгесе, юбилей медальләре белән бүләкләнгән.

— Бу җиңүгә үзебез ирештек — авыл ирләре һәм яшь егетләр. Безнең гаиләдән фронтка дүртәү китте — әти һәм аның өч улы. Хәзер дә күз алдына китерү кыен — әни ничек берүзе балаларны тәрбияләгән. Әтиебез көрәш кырларыннан кайтмады, — ди ветеран.