Алабуга районы башлыгы Россия Федерациясе Президентын сайлауда тавыш бирде

Җитәкче сөйләвенчә, ул 1969 елда туган һәм кешеләргә шактый авырга туры килгән ике дистә елны яхшы хәтерли, ул вакытта сүз сәламәтлек саклау, мәгариф һәм тормышның башка мөһим өлкәләрен үстерү турында бармады, болар барысы да икенче планга күчте. Бүген без тотрыклылык, киләчәгебез өчен тавыш бирәбез, дип ассызыклады ул. 

Безнең республика турында сөйләгәндә, Рөстәм Нуриев кабат аның үсешен билгеләп үтте, безнең район да алга атлады − 23 нче ел йомгаклары буенча без Татарстанда социаль-икътисади үсеш буенча 1 нче урында торабыз. Бу бик мөһим, мактаулы һәм җаваплы, дип нәтиҗә ясады башлык.

Бүген эш визиты белән Алабугага килгән Россия Федерациясе Федераль Собраниесе Дәүләт Думасы депутаты Илья Вольфсон сайлауларны оештыруны бәйләде.

— Гомумән республика буенча сайлаулар югары дәрәҗәдә оештырылган. Мин Лаеш, Кукмарада булдым, бүген Алабугага килдем. Монда барысы да яхшы, кешеләр участокларга яхшы кәеф белән килә, хәтта һава торышы да моңа ярдәм итә, бернинди дә шикаятьләр булмады. Минемчә, районда сайлаулар лаеклы дәрәҗәдә оештырылган. Башкача була да алмый — без илебез Президентын сайлыйбыз, — дип билгеләп үтте Илья Вольфсон.