Алабуганың «Без бергә» штабы активистлары госпиталь өчен 1,5 тонна гуманитар ярдәм җибәрде

Яшь гвардиячеләр һәм «Без бергә» гуманитар штабы активистлары бу елда беренче гуманитар ярдәм партиясен озатты. Битараф булмаган алабугалылар һәм төрле оешмалар көче белән кыр һәм төбәк госпитальләрендә яткан сугышчыларга 1,5 тоннадан артык гуманитар ярдәм җыелган.

Җибәрелгәннәр арасында — дарулар, хирургия инструментлары, култык таяклары, коляска, памперслар, юрганнар, шулай ук Яңа ел һәм Раштуа бүләкләре. Моннан тыш, яшь гвардиячеләр Краснодон өлкә балалар интернат-йорты тәрбияләнүчеләренә татлы бүләкләр, китаплар һәм канцелярия товарлары җибәрде.