«Rockwool» - иң куәтле предприятие (фотолар)
Бу атнада "Алабуга" махсус икътисадый зонасында таш мамык җитештерә торган иң куәтле предприятиене ачу тантанасы булды. Анда Россия Федерациясенең икътисадый үсеш министры Эльвира Нәбиуллина, Даниянең сәүдә һәм инвестицияләр министры Пиа Олсен Дюр, Татарстан Республикасы Президенты Рөстәм Миңнеханов катнашты.
-"Роквул" предприятиесе бөтен дөнья буенча сибелгән 27, Россиядәге дүрт Дания компанияләренең иң куәтлесе санала.
Завод 2008 елда ук салына башлаган иде, әмма кризис сәбәпле проектны гамәлгә ашыру сроклары кичектерелеп килде.
"Алабуга" махсус икътисадый зонасындагы җитештерү куәтләрен сафка бастыру өчен компания 150 миллион доллар инвестиция кертте. Завод елына 110 мең тонна төзү һәм изоляцияләү материаллары эшләп чыгарачак, бу исә энергия чыгымнарын сизелерлек киметергә ярдәм итәчәк. Төзелештә заманча технологияләр, аерым алганда минераль мамыктан эшләнгән продукция куллану нәтиҗәсендә илебез ел саен 300 миллиард сумны янга калдыра алачак, бу гражданнарның торак-коммуналь хезмәтләргә түләүләрендә дә чагылачак.
Әлеге зонада чит ил инвесторларының яңа компанияләре барлыкка килсен өчен бернинди административ киртәләр юк. Икътисадый зона интенсив үсә һәм киләчәктә дә үсәр,- диде Э.Нәбиуллина үзенең котлау чыгышында.
Татарстан Республикасы Президенты Рөстәм Миңнеханов завод ачылуны мөһим вакыйга, дип билгеләп үтте:" Бу дөньяви дәрәҗәдәге бик зур проект. Ул көнбатыш инвесторлары өчен этәргеч булып, аларның безгә карата фикерләрен, мөнәсәбәтләрен үзгәртәчәк. Алар Россиядә инвесторлар өчен барлык шартлар тудырылганын һәм Рәсәй базарының киңкырлы булуын күрәчәк. Бүгенге мисал безнең өчен бик мөһим. Тулаем алганда, "Алабуга" икътисадый зонасы кызу темплар белән үсә бара. Бүген монда 25 резидент теркәлгән, аларның бишесе инде эшли, бүген менә алтынчысын тантаналы ачабыз, вәгъдә иткән инвестицияләр күләме - 80 миллиард сумга җитә.
Республика Президенты билгеләп үткәнчә, 2016 елга республиканың тулаем продукция җитештерү күләмнәрен 2 триллион сумга җиткерү бурычы тора. Ә монда МИЗ үсеш нокталарының берсен тәшкил итә.
"Роквул" компанияләре группасы президенты Элко Ван Хил әлеге проектны тормышка ашыру өчен республика президенты белән биш тапкыр очрашуын искәртеп узды. Чит ил инвесторларына игътибары һәм ярдәме өчен, ул президентка һәм федераль хакимияткә, аерым алганда, Э.Нәбиуллинага рәхмәтен белдерде.
-
19 май 2018 - 12:31Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
-
17 май 2018 - 17:27БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
-
17 май 2018 - 17:24КУРЧАКЛАР БҮЛӘК ИТКӘН Алабуга музей-ядкарьлеге фонды гадәттән тыш курчаклар тупланмасы белән тулыланды.
-
17 май 2018 - 17:19ЭЧҮЧЕЛЕККӘ КАРШЫ ЮХИДИ хезмәткәрләре исерек хәлдә машина йөртүчене тоткарлаган.
-
17 май 2018 - 17:12ВЕЛОСИПЕДЧЫГА ДА КАГЫЙДӘ БАР Урау юлда “Тойота Королла”ның йөртүчесе 14 яшьлек велосипедчыны таптаткан.
-
15 май 2018 - 15:58ФАТИРЫН ТАЛАГАННАР Пролетар урамында яшәүче 34яшьлек алабугалы хатын-кыз полициягә аянычлы хәбәр җиткергән.
-
15 май 2018 - 15:28ИҢ ЗУР ЧӘК-ЧӘК Татарстанның башкаласында Россия Рекордлар китабына керерлек чәк-чәк әзерләргә ниятлиләр.
-
19 май 2018 - 12:31Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
