Алабуга нуры

Икътисад үсә, эшсезлек тә бирешми

Пәнҗешәмбедә Алабугада район һәм шәһәр Советы сессияләре булды.

Алабуга район Советының 15нче сессиясендә депутатлар социаль-икътисад үсешен фаразлауның күрсәткечләрен карады.
- Экспертлар бәяләвенчә, Россия икътисады тышкы шартларга өлешчә ияләште. Шуның белән беррәттән, дөньяда нефть бәяләре һәм валюта курслары берникадәр даими булуга карамастан, әдегә икътисадка зыян куркынычы саклана, бу беренче чиратта сәяси киеренкелек белән бәйле, - дип билгеләп үтте Социаль-икътисад үсеше Палатасы рәисе Денис Хәмидуллин үзенең чыгышында. Аның сүзләренә караганда, быел сәнәгать җитештерүе индексы 118,2 процент дәрәҗәсендә булыр дип көтелә, шул исәптән эшкәртү сәнәгатендә - 130,2, бу исә республика һәм Россия күләмендәге күрсәткечләрдән зур. Җибәрелгән продукция күләме 83 миллиард сумлык.
Автомобиль һәм машина төзү предприятиеләре "Форд Соллерс Елабуга", "Джошкуноз Алабуга" яхшы күрсәткечләргә ирешә. Азык сәнәгате буенча "Белая Дача Алабуга", "Сария Био Индастрис Волга" предприятиеләрендә үсеш темплары югары. Резина һәм пластмасса эшләнмәләр җитештерүдә "Армстронг Билдинг Продактс", "Татнефть - Пресскомпозит" предприятиеләре киңәйде. Агач эшкәртү өлкәсендә "Кастамону Интегрейтед Вуд Индастри" предприятиесенең икенче чиратын сафка бастыру аркасында җитештерү күләме артты, шулай ук "ДСК КМК2"да җитештерү киңәйде.
Фаразлау вакытына берничә эре инвестиция проектлары күздә тотыла, дип хәбәр итте Денис Хәмидуллин. "Интерскол", "Хаят Кимья" предприятиеләренең икенче чиратын, гигиена әйберләре җитештерү буенча "Драйлок Текнолоджиз" ҖЧҖ компаниясен, төзелеш өчен сэндвич-панеләләр җитештерә торган КЭМ "УОЛСЕЙВИНГ" ҖЧҖ, аккумулятор батареялары җитештерү буенча "Барс Текнолоджи" ҖЧҖ ачу җитештерү егәрлеген 30 процентка арттырырга мөмкинлек бирәчәк.
2017 елда "ТАТАРСТАН ШАМПИНЬОННАРЫ" гөмбә компаниясе" ҖЧҖ, шампиньон һәм компост җитештерә торган "АйДжиЭс Агро" ҖЧҖ, пыялапластик торбалар җитештерә торган "Амитек" ҖЧҖ сәнәгать предприятиеләрен эшләтеп җибәрү планлаштырыла.
Шәһәр һәм район өчен мөһим булган предприятиеләр күрсәткечләрен, шулай ук МИЗның киләсе елдагы үсешен истә тотып, сәнәгать җитештерүе индексы 113,6 процент, 2018 елда - 106,3 процент, 2019 елда - 107,4 процент дәрәҗәсендә булыр дип фаразларга була. Авыл хуҗалыгы җитештерүендә тулаем продукция үсеше, үткән ел белән чагыштырганда, 5,4 процентка артачак һәм 1,57 миллиард сумлык булачак. 2017-2019 елларда бу өлкәдә үсеш темплары ел саен 105 процентка җитәр дип көтелә. Һәр елда 50 мең квадрат метр торак торак тапшыру планлаштырыла.
I яртыеллык йомгаклары буенча инвестицияләр һәм төп капитал күләме 12 миллиард сум яисә узган елның шул ук вакыт аралыгы бәяләре белән чагыштырганда 82 процент тәшкил итә. Чыгыш ясаучы белдерүенчә, район икътисадына ел ахырына кадәр 15,7 миллиард сум акча җәлеп ителәчәк. Район инфраструктура үсешенең инвестицияле проектлары "ИнноКам" инновацияләр үзәген булдыру Концепциясенә кергән, ул Россия хөкүмәте тарафыннан расланган. Программада Алабуганың 19 инвестицияле проекты күздә тотыла, алар халык тормышының сыйфатын күтәрүгә булышачак.
Хәзерге вакытта, Дениса Хәмидуллин әйтүенчә, кече һәм урта предприятиеләр үсә. Аларның әйләнеше 66,6 процентка, анда эшләүчеләр саны - 3 процентка арткан.
Шул ук вакытта Алабуга районында эшсезлек дәрәҗәсе 1,16 процент (республикада - 0,69) тәшкил итә. Бу саннарга район башлыгы Геннадий Емельянова ризасызлык белдерде һәм эшсезләр төркемен җентекләп тикшерергә кушты.
- Икътисадый зонада резидентлар саны арта, предприятиеләр ачыла, ә эшсезләр саны шул килеш. Авылда бармы ул? Авыл хуҗалыгы предприятиеләре дә хезмәткәрләр таба алмый, кешеләрне Удмуртиядән һәм Киров өлкәсеннән эзләргә мәҗбүр, - диде ул.
Депутатлар бюджетка үзгәрешләр кертү мәсьәләсен дә карады. Районның киләсе ел һәм пландагы 2018-2019 елларга бюджеты 1 декабрьдә, халык тыңлаулары вакытында каралачак.
***
Шәһәр үсешенең күрсәткечләре күбесенчә районныкына охшаш. "Төзекләндерү буенча саннар елдан-ел үзгәрми, ни өчен?" - дип сорады Геннадий Емельянов финанс-бюджет палатасы рәисе Эльмира Садыйковадан, ул 2017 елга бюджет проектын укыгач. "Быел башкарма комитет бюджет әзерләгәндә моңа кадәр күрелмәгән активлык күрсәтте, барысы да тәртиптә булыр, дип уйлыйм", - диде чыгыш ясаучы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: