Алабуга мәктәбенә 2,6 миллион сумлык җиһаз сатып алынган

«Цифрлы белем бирү мохите» федераль проекты кысаларында Алабуганың 3 нче урта мәктәбенә 2,6 млн. сумлык җиһазлар кайтартылды. Сыйныфларда ноутбуклар, интерактив панельләр, телевизор һәм күп функцияле җайланмалар урнаштырылган.

«Цифрлы белем бирү мохите» федераль проекты «Мәгариф» илкүләм проектының бер өлеше булып тора һәм 2024 елга барлык төр һәм дәрәҗәдәге белем бирүнең югары сыйфатын һәм мөмкинлеген тәэмин итүче заманча һәм куркынычсыз укыту мохитен булдыруга юнәлдерелгән.