Алабуга районында Каринка елгасы аша үтүче күперне төзекләндерәчәкләр

«Куркынычсыз сыйфатлы юллар» илкүләм проекты кысаларында Алабуга районының Бехтерево авылында Каринка елгасы аша күпер капиталь ремонтлана. Күпернең озынлыгы 44,750 м тәшкил итә. 

Татарстан Республикасы Транспорт һәм юл хуҗалыгы министрлыгының матбугат хезмәте хәбәр иткәнчә, төп эшләр инде тәмамланган. Технологик, төзелеш мәйданчыкларын, вакытлыча технологик юлны сүтү, биләгән җирләрне рекультивацияләү калган.