Алабугалыларга торак-коммуналь хезмәтләр өчен квитанциядә яңа графаның барлыкка килү сәбәбен аңлаттылар

Алабугалы торак-коммуналь хезмәтләр өчен түләү квитанциясендә ике «яңа» графаның барлыкка килүен аңлату үтенече белән район башкарма комитеты җитәкчесенең инфраструктура үсеше буенча урынбасары Андрей Томилинга мөрәҗәгать итте.

Шәһәр кешесе Тынычлык проспекты, 71 йорт адресы буенча яши. Элегрәк квитанциядә «газ белән тәэмин итү челтәрләрен агымдагы ремонтлау» дигән бер генә графа бар иде, аның буенча хезмәт күрсәтү бәясе 0,25 сум/м2 тәшкил итте. Хәзер исә, алабугалы сүзләренчә, хезмәтләр бәясе кыйммәтрәк. 

Андрей Томилин аңлатуынча, 2017 елның гыйнварыннан АМР башкарма комитеты карары белән бу графа ике позициягә бүленгән: «йорт эчендәге газ белән тәэмин итү челтәрләренә техник хезмәт күрсәтү һәм ремонтлау» (0,15 сум/м2) һәм «йорт эчендәге вентиляция каналларына техник хезмәт күрсәтү һәм ремонтлау» (0,10 сум/м2).

Билгеләп үтелгәнчә, йорт эчендәге вентиляция каналларына техник хезмәт күрсәтү һәм ремонтлау чыгымнары йорт эчендәге газ җиһазлары системасын тоту чыгымнарының бер өлеше булып тора һәм махсус оешма тарафыннан башкарыла, үзгәрешләр нәкъ шуның белән аңлатыла.

Тынычлык проспекты, 71 йорт адресы буенча исәпләүләр башкарма комитетның 2023 елның 18 декаберендәге карары белән расланган тарифлар буенча башкарыла: «йорт эчендәге газ белән тәэмин итү челтәрләренә техник хезмәт күрсәтү һәм ремонтлау» өчен 0,40 сум/м2 һәм «йорт эчендәге вентиляция каналларына техник хезмәт күрсәтү һәм ремонтлау» өчен 0,27 сум/м2.