Алабугалы үзенең династиясе турында тарихи-биографик китап тәкъдим итте

Бу тарихи-биографик повесть СССР һәм Россия хокук сайлау органнарында хезмәт иткән Дьяченко-Черновлар-Назаровлар династиясе турында. 

— Минем бабам өч сугышта катнашка. Бала чагымда аның сугышта сөйләгәннәрен тыңлый идем, ләкин бервакытта да җентекләп ул хакта сорашмадым. Без үткәннәр турында күп укыйбыз, фильмнар карыйбыз һәм, сугыш турында барысын да беләбез кебек тоела. Юк, белмибез икән, — дип сөйли Алена Чернова. 

Китап авторының әтисе Александр Дьяченко исә кызның бабасы хикәяләрен язып барып, гаҗәеп эш башкарган. Алена Александровна тануынча, бабасы бөтенесен — узган гомереннән һәр очракны, фамилияләрне, шәһәр һәм урам исемнәрен, барысын тәфсилләп саклаган.

— 2012 елда әти вафат булды, һәм аның кәгазьләрен аралаганда, мин вак кына язылган тулы бер дәфтәр таптым, шуны җыйдым һәм чыгардым. Тора-бара аны әтием, әнием, үзем һәм балаларым турында язып тулыландырдым — гаилә хакында хикәя килеп чыкты, — ди ул.

Тантаналы очрашуга аны яратучы, хөрмәтләүчеләрнең барысы да — әнисе, тәүге укытучысы, студент чагыннан дус кызлары, элеккеге хезмәттәшләре, шулай ук аның иҗаты һәм эшчәнлегенә битараф булмаучылар килде.

Алена Чернова эшчәнлекнең төрле өлкәләрендә тәҗрибә алган кеше: ул — Алабуга Эчке эшләр бүлегендә гаммәви мәгълүмат чаралары белән эштә беренче башлык, отставкадагы эчке хезмәт подполковнигы, Россия Журналистлар берлеге әгъзасы, Кабардино-Балкария ЭЭМның Тарих музее җитәкчесе, ТР буенча Эчке эшләр министрлыгының мактаулы хезмәткәре.