Татарстан журналистлары #МойГеройМояСемья онлайн-флешмоб оештырды

Татарстанда #МойГеройМояСемья флешмобы эшли башлады. Анда теләге булган һәркем катнаша ала.

Акциядә катнашу өчен «ВКонтакте» социаль челтәрендә #МойГеройМояСемья хэштегы белән Бөек Ватан сугышында катнашкан гаилә геройлары турында язма урнаштырырга кирәк. Язмаларда геройларның батырлыклары һәм казанышлары турында сөйләү мөһим, шулай ук фотолар куллану хуплана.

Мондый флешмоб ярдәмендә «Татмедиа» журналистлары «Үлемсез полк онлайн» акциясен киңәйтергә тәкъдим итә. 

Туганнарыгыз турында уникаль тарихлар Җиңү көне алдыннан Татарстан басмаларында дөнья күрәчәк.