Алабуга районында фаҗига: юл һәлакәтендә ике кеше һәлак булды

Кичә 16:25тә Алабуга районында кеше үлеменә китергән юл-транспорт һәлакәте булган. Ике кеше һәлак, тагын икесе хастаханәдә. 

Авария турында Алабуга районы ЮХИДИ башлыгы Руслан Харисов сөйләде. 

«5 декабрьдә 16:25тә М7 Волга автомобиль юлының 3нче км +820 метрында Ижевск һәм Пермь шәһәрләренә керү юлында юл-транспорт һәлакәте булды. Беренчел мәгълүматлар буенча, Hyundai Elantra машинасы йөртүчесе куркынычсыз тизлекне сайламаган, хәрәкәт өчен эшләнгән юл полосасына чыккан һәм каршы якка хәрәкәт иткән Мицубиси машинасы белән бәрелешкән. Юл-транспорт һәлакәте нәтиҗәсендә Hyundai машинасының 1988 һәм 1964 елларда туган ике пассажиры вафат була. Тагын ике ир-ат Алабуга үзәк район хастаханәсенә китерелде», — дип сөйләде Руслан Харисов. 

Хәзерге вакытта юл һәлакәтенең нечкәлекләре ачыклана.