Алабуга районында янгында бер ир кеше үлгән

Бүген иртән Алабуга районының «Прогресс» бакчачылык ширкәтендә янгын чыккан. Хәбәрдән күренгәнчә, бер катлы кирпеч бакча йорты, мунча һәм «Лада Гранта» автомобиле янган. 

Янгын сүндерүчеләр вакыйга урынга килеп җитә һәм янгынны сүндерәләр. Тикшерү вакытында йортта 1960 елгы хуҗаның гәүдәсе табыла, дип хәбәр итә Россия гадәттән тыш хәлләр министрлыгының Татарстан Республикасы буенча Баш идарәсе.

«Янгынның сәбәбе ачыклана. Якынча фаразлар буенча, мичне кулланганда янгын куркынычсызлыгы кагыйдәләрен бозу яки ут белән саксыз эш итү фаҗигагә китергәндер», — диелә хәбәрдә.