Алабуга районында иномарка «Газель» белән бәрелешкән

Бүген Алабуга районында үлем белән тәмамланган юл-транспорт һәлакәте булды. Вакыйга турында җирле Дәүләт автоинспекциясендә сөйләделәр.

Авария 11.30 сәгатьтә Алабуга районындагы М7 Волга автоюлының 1002 километрында була. «Мазда» автомобиле йөртүчесе, куркынычсыз тизлекне сайламый, дистанцияне исәпкә алмый, руль белән идарә итүне югалта һәм юл кырындагы барьерга бәрелә. Соңыннан «Газель» автомобиле белән дә бәрелешә. 

Юл һәлакәте нәтиҗәсендә иномарка пассажиры ашыгыч ярдәм килгәнче вакыйга урынында үлә. Мазданың икенче пассажиры төрле җәрәхәтләр белән хастаханәгә китерелә. Урында тикшерү-оператив төркем эшли.