Алабуга районында ир-ат суга батып үлгән

Алабуга районында судагы вакыйгалар статистикасын 75нче янгын-коткару бүлеге җитәкчесе Евгений Шумилов игълан итте.

Алабуга районында су коену сезоны башланганнан бирле 1 кеше һәлак булган. 9 июньдә Поспелово авылында Тойма елгасында 1977 елгы 1 нче төркем инвалид ир-ат суга батып үлгән. Ир елга ярында танышлары белән спиртлы эчемлекләр эчә. Беренче тапкыр су коенырга тырышканнан соң, иптәшләре аны чыгаралар, ләкин ул тынычланмый һәм, иптәшләре белән талашып, тагын суга керә, нәтиҗәдә батып үлә. 17.45 сәгатьтә коткаручылар аның гәүдәсен судан чыгаралар.