Алабуга районында юл һәлакәтендә 39 яшьлек ир-ат һәлак булган

Узган ялларда Алабуга районында үлем белән тәмамланган юл-транспорт һәлакәте булды. Авария турында җирле Дәүләт автоинспекциясендә сөйләделәр. 

«17 сентябрьдә 00:35 сәгатьтә Алабуга районының Лекарево авылында кросс мотоциклының 39 яшьлек йөртүчесе куркынычсыз тизлекне сайламаган, руль белән идарә итүне югалта, каршы як полосага чыга, барьерлы коймага бәрелә, әйләнеп капланганнан соң кюветка төшә. Юл-транспорт һәлакәте нәтиҗәсендә ир-ат ашыгыч медицина ярдәме килгәнче һәлакәт урынында үлә», — дип хәбәр иттеләр Алабуга Дәүләт автоинспекциясенең матбугат хезмәтендә.