Алабуга районында юл-транспорт һәлакәте булган

28 мартта 7.20 сәгатьтә Алабуганың Бакый Урманче урамында HAVAL F7 автомобиле йөртүчесе юл хәрәкәте иминлеген тәэмин итүче тизлекне сайламаган, һәм нәтиҗәдә автомобильне юлдан читкә тайпылуга юл куйган. Шофер руль белән идарә итүне югалта һәм каршы як полосага чыгып, каршыга килгән НЕФАЗ 5299 автомобиле белән бәрелешә.

Юл-транспорт һәлакәте нәтиҗәсендә HAVAL F7 автомобиле пассажиры Алабуга үзәк район хастаханәсенә китерелә. Зыян күрүче хатын-кызга ябык баш мие җәрәхәте дигән диагноз куелган. Аның кулы һәм аягына зыян килгән.