Алабуга районында трассада машинасы ватылып туктаган шоферны бәрдергәннәр

Кичә Алабуга районында юл һәлакәтендә зур йөк машинасы йөртүчесе һәлак булган. Тулырак мәгълүматны Татарстан Республикасы Дәүләт автоинспекциясендә сөйләделәр. 

Беренчел мәгълүматлар буенча, Isuzu автомобиле йөртүчесе, куркынычсыз тизлекне сайламаган һәм машинасы ватылу сәбәпле, юл читендә торган Scania йөк автомобиле йөртүчесен бәрдергән. Йөртүче һәлакәт урынында вафат була.

ТР Дәүләт автоинспекциясе машина йөртүчеләрне руль артында уяу булырга, юл хәрәкәте кагыйдәләрен үтәргә чакыра.