Алабуга районында үлем белән тәмамланган юл һәлакәте булган

Кичә, 15 сәгатьтә Татарстанның Алабуга районында, Яковлево авылыннан ерак түгел М-7 трассасының 986 километрында юл-транспорт һәлакәте килеп чыга. ДТПда Яр Чаллыда яшәүче 38 яшьлек хатын-кыз үлә.

Алабуга районы ЮХИДИ бүлеге мәгълүматларына караганда, «Газель» автомобиле йөртүчесе борылыштан чыккан һәм Чаллы ягыннан Казанга таба хәрәкәт иткән «Daewoo Nexia» автомобиленә юл бирмәгән. Нәтиҗәдә, чит ил машинасы «Газель»нең арткы өлешенә килеп бәрелә. 

Фаҗига нәтиҗәчендә, «Daewoo Nexia» автомобиле пассажиры һәлакәт урынында вафат булган, ә машина йөртүче һәм тагын ике пассажир Алабуга хастаханәсенә китерелгән.