Алабугада бер атна эчендә ике янгын чыккан

5 июньнән 11 июньгә кадәр Алабуга районы территориясендә 2 янгын булган.

7 июнь көнне 14 сәгать 10 минутта 75нче янгын-коткару частендә торак йорт януы турында хәбәр кабул ителә. Янгын нәтиҗәсендә йорт корылмасы зыян күрә. Үлүчеләр һәм зыян күрүчеләр юк. Янгынның сәбәбе — янгын куркынычсызлыгы кагыйдәләрен бозу.

8 июньдә иртәнге сәгать алтыда 62 нче янгын-коткару частенең элемтә пунктында бакча йортында ут чыгуы турында хәбәр кабул ителә. Янгын нәтиҗәсендә бакча йорты һәм мунча янып бетә. Үлүчеләр һәм зыян күрүчеләр юк. Янгынның сәбәбе — мич төзелгәндә янгын куркынычсызлыгы кагыйдәләрен бозу.