Алабугада ике машина бәрелешкән

Бүген Алабугада Отрадная урамында ике автомобиль бәрелешкән. Бу турыда ЮХИДИнең җирле бүлекчәсендә сөйләделәр. 

12 сәгать 37 минутта Opel автомобилен йөртүче 67 яшьлек шофер юл бирми һәм ВАЗ 21074 автомобиле белән бәрелешә. Авария нәтиҗәсендә ВАЗ 21074 машинасын йөртүче 18 яшьлек егет һәм пассажир зыян күрә. Медиклар аларда төрле җәрәхәтләр һәм имгәнүләрне диагностикалаган. Хәзер алар хастаханәгә китерелгән.