Алабугада юл-транспорт һәлакәтендә 56 яшьлек ир-ат үлгән

Алабуга районында үлем белән тәмамланган авария булган. Вакыйга турында Алабуга районы ЮХИДИ башлыгы Руслан Харисов сөйләде.

Авария 21.00 сәгатьтә Малоречинский поселогы тирәсендә була. «Нива» автомобилен йөртүче 56 яшьлек шофер тизлекне арттыра, юлның киңлеген исәпкә алмый, идарә итүне югалта һәм каршы якка чыгып, юл читенә әйләнеп каплана. Авария нәтиҗәсендә алган җәрәхәтләрдән шофер урында ук үлә.