Алабугада начар һава торышы сәбәпле, бер тәүлек эчендә 24 юл-транспорт һәлакәте булган: ике кеше реанимациядә

Атнаның беренче көнендә Алабугада 24 юл-транспорт һәлакәте булган, дип хәбәр иттеләр Алабуга Дәүләт автоинспекциясенең матбугат хезмәтендә. Аварияләрдә өч кеше зыян күргән, шуларның икесе реанимациядә. 

Дүшәмбе 14.00 сәгатьтә Бехтерево авылы янындагы трассада БМВ автомобиле йөртүчесе куркынычсыз тизлекне сайламаган, юл шартларын исәпкә алмаган һәм каршы килгән автомобильләрне үткәреп, борылышта торган зур йөк машинасына бәрелгән. Авария нәтиҗәсендә чит ил машинасының йөртүчесе һәм пассажиры Алабуга үзәк район хастаханәсенең реанимациясенә авыр хәлдә китерелгән.

Шул ук көнне 16.00 сәгатьтә Яшьләр урамындагы 12 нче йорт каршында машина җәяүлене бәрдергән. Лада 111930 автомобилен йөртүче, җәяүлеләр кичүе буенча юлны аркылы чыгып баручы 35 яшьлек җәяүлене бәрдерә. Җәяүле төрле җәрәхәтләр белән хастаханәгә эләгә.