Алабугада телефон зарядкасы аркасында янгын чыккан

Күзәтчелек эшчәнлеге бүлегенең өлкән инспекторы Владимир Соборнов хәбәр иткәнчә, 17 сентябрьдә Максим Горький урамындагы күпфатирлы йортның фатирында янгын чыккан, нәтиҗәдә диван һәм фатир бүлмәләренең бизәлеш элементлары янган. Күзәтчелек эшчәнлеге бүлеге хезмәткәрләре искәртә: янгыннар килеп чыгуны булдырмас өчен, фатирдан чыгып киткәндә электр җиһазларын (компьютер, телевизор, микродулкынлы мич, электр чәйнеге), электр челтәреннән тукланучы җайланмаларны, шул исәптән смартфоннар, планшетлар, тышкы аккумуляторлар һәм башкаларны сүндерергә онытмагыз.