Һава шарында очачакбыз
Май аенда алабугалылар, һава шарында югарыга күтәрелеп, биеклектән дөньяны күзәтә һәм сәяхәт кыла алачак.
Фотостудия директоры, ә элегрәк КФУның Алабуга филиалында информатика дәресләре алып барган алабугалы Эмиль Гилаев үзенең һава шарында ел ярым элек үк очышлар оештыру уе белән яна башлый. Аңа бу хыялын тормышка ашырырга аның элеккеге коллегасы Ленар Бикиев булыша. Эмиль кирәкле детальләргә заказ биргән арада, ул Псков өлкәсенең Великие Луки шәһәрендә шар белән идарә итү курслары үтә. Алабуганың беренче очучысыннан имтиханны Эмиль үзе ала һәм һава киңлекләрендә сәяхәт итү ләззәтен татый. Шунысын да әйтергә кирәк, республикада әлегә икенчесе генә булган бу шарны ул Мәскәү өлкәсеннән алып кайта һәм өч атна элек сынап карый. Дөрес, әлегә ул бәйләнгән хәлдә - ирекле очыш өчен рөхсәт алырга кирәк. Ул майда әзер булырга тиеш (шарга "техник карау" үткәрелгән, номер алынган).
- Беренче тапкыр очышка әзерләнгәндә, бик куркыныч булыр сыман иде. Күзәтү тәгәрмәчендәгедән әлләни аерылмый икән, әмма аннан алган күңелле, якты тәэсирләр бөтенләй үзгә (ирекле очу вакытында шар 4000 метрга кадәр күтәрелә).
-Шар ничә кеше сыйдырышлы?
-Кәрҗиненең үлчәме 1-1,5 метр. Кышын эчке һәм тышкы температураның аермасы югарырак булганлыктан, пилотны да кертеп, 6 кеше күтәрә ала, ә 40 градуслы кызуда өч кешедән артмый. Шунлыктан җәй көннәрендә очышларны иртән иртүк һәм кич үткәрергә планлаштырабыз. Җилнең тизлеге дә секундына 7 метрдан артырга тиеш түгел.
-Шар Алабуга өстеннән очып үтәчәкме?
-Моның өчен махсус рөхсәт алырга кирәк. Без танышу очышларын шәһәр читендә оештырырга ниятлибез, шар биеклегеннән Алабуга уч төбендәге кебек күренәчәк.
-Һавада очу - бизнесмы әллә хоббимы?
-Күпләр очуны аттракцион дип саный, әмма мин моны спорт дип әйтер идем. Без һава шары фестивальләрендә, конкурсларда катнашырга ниятлибез.
Шарның бәясе бизнес-класслы иномарка бәясенә тиң. Бер сәгать ирекле очу барышында (уртача 10 чакрым) Мәскәүгә барып җитәрлек кадәр газ тотыла. Шунлыктан шарда очу бәяләре дә кыйммәт - 1,5 мең сумнан 7 мең сумга кадәр. Әмма бу алабугалылар, Чаллы һәм Түбән Камада яшәүчеләрнең теләген һич тә киметми, ди эшмәкәр.
Эмиль "АэрорА" клубының уку йортлары, автосөючеләр һәм кызыксынучан яшьләр белән хезмәттәшлек итәчәген, аларга очышларны оештыру, идарә итү мөмкинлекләре бирү турында да сөйләде. Клубның хәйрия акцияләре беренче чиратта балалар йортында тәрбияләнүчеләргә адресланачак.
Налия Касыймова
Автор фотосы
-
23 май 2018 - 16:57Алыштырып та, кайтарып та була Кибеттән алынган әйберне уйлаганча тиз генә алыштырып бирмиләр.
-
22 май 2018 - 15:18Росреестр күршеләр белән дуслашырга ярдәм итә Бакчада барлыкка килгән проблеманы хәл итер юллары турында Татарстан Росреестр хезмәткәре Аделя Хазеева сөйләячәк.
-
22 май 2018 - 15:12ЯЗЫЛЫРГА АШЫК! 2018 елның II яртыеллыгына “Алабуга нуры” һәм “Новая Кама” газеталарына язылу башланды.
-
22 май 2018 - 15:00Киңәшле эш таркалмас Алабугада беренче тапкыр шәһәр күләмендә ата-аналар җыелышы булды. Анда ике йөздән артык кеше катнашты. Алар арасында җәмәгать оешмалары, мәктәп һәм балалар бакчаларының ата-аналар комитеты вәкилләре бар иде.
-
22 май 2018 - 14:5818 майда Халыкара Музейлар көне үтте. Музей-тыюлык хезмәткәрләре Ленин мәйданында Музейлар көненә багышланган бәйрәм үткәрде.
-
19 май 2018 - 12:31Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
-
17 май 2018 - 17:27БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
-
23 май 2018 - 16:57Алыштырып та, кайтарып та була Кибеттән алынган әйберне уйлаганча тиз генә алыштырып бирмиләр.
