Алабуга нуры

Башкортстанда квадроциклда йөргәндә 19 яшьлек кыз һәлак булган

Квадроцикл тиешенчә рәсмиләштерелмәгән булган.

Башкортстанның Әбҗәлил районындагы Яктыкүл янында квадроциклда йөргәндә 19 яшьлек кыз һәлак булган. Ул Cfmotо Сforce квадроциклы белән идарә иткәндә әйләнеп капланган. Бу турыда ЮХИДИга сылтама белән «Башинформ» хәбәр итте, дип яза Интертат.

Кыз имгәнгән һәм ашыгыч ярдәм машинасында җан биргән. Квадроцикл тиешенчә рәсмиләштерелмәгән булган. Кызның аның белән идарә итү өчен таныклыгы да юк.

«Квадроцикл конструкциясе зур тизлектә барган килеш текә борылыш ясау өчен эшләнмәгән. Кискен борылыш ясарга маташканда йөртүче транспортны үзе белән бергә әйләндереп каплау ихтималы бар. Бу исә сәламәтлек өчен куркыныч нәтиҗәләргә китерә. Мотоцикл белән шундый очрак булса, йөртүче кырыйга очып китсә, квадроцикл күпчелек очракта йөртүченең өстенә каплана, Әбҗәлил районында да шундый очрак булган. Мондый транспортның авырлыгы өч йөз килодан артыграк», — дип аңлатканнар ЮХИДИда.

Фото: Башкортстан буенча ЮХИДИ, https://www.bashinform.ru/

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: