Татарстанда фаҗигале рәвештә 12 яшьлек кыз үлгән

Узган төндә Мамадышта 12 яшьлек кыз квадроциклда юл һәлакәтенә очраган: ул шәхси йорт коймасына килеп бәрелгән. Имгәнгән баланы хастаханәгә озатканнар. Ул авыр хәлдә булган.

Табиблар аның гомерен саклап калу өчен күпме генә тырышса да, кыз авариядән соң бер сәгать үткәч операция өстәлендә үлгән, дип яза Татар-информ.
Квадроциклда кыз белән бергә 20 яшьлек егет тә булган. Аны төрле җәрәхәтләр белән хастаханәгә озатканнар.