Үзәк стадионда “Яшьләр бердәмлеге” дигән хәйрия акциясе булды

Яңгырлы көзге һава торышына карамастан, йөздән артык төрле яшьтәге алабугалылар бу көнне стадионга килде. Күбесе фонарьны үзләре белән алып килде, ә калганнары аны стадионда сатып алды. Бераз вакыт узганнан соң акцияне хуплап килгән барлык кеше тирә-юньдәгеләргә игелекле һәм кайгыртучан булу символы астында түгәрәк һәм йөрәк формалы фонарьларны һавага очыртты.

Сүз уңаена әйткәндә, фонарьларны "Юлдаш" һәм "Абак" кибетләрендә сатып алырга мөмкин иде. Җыелган акчалар Иске Юраш мәктәбенең 6 нчы сыйныф укучысы Айназ Гатауллинның дәвалануына китәчәк.

Алия Сираева

Автор фотосы