Алабугада Яңа елга танылган артистлар чакырылмаячак

Алабугада үткән киңәшмәдә Яңа елны бәйрәм итү буенча фикер алыштылар. Быел бәйрәм тыйнак форматта, танылган артистларсыз гына билгеләп үтеләчәк. 

Экономияләнгән акчалар мобилизацияләнүчеләргә һәм аларның гаиләләренә: җәмәгать транспортында бушлай йөрү, спорт учреждениеләренә абонементлар, кинотеатрлар, шифаханәләргә юлламалар, шулай ук Яңа ел бүләкләре алуга юнәлдереләчәк.

Киңәшмәдә шулай ук мобилизацияләнүчеләрнең гаиләләрендәге балалар өчен Президент чыршысына Казанга сәфәр оештырылачак дигән карар кабул итте.