Алабугада Игелекле эшләр марафоны узды

Бүген шәһәр Мәдәният сараенда Халыкара инвалидлар көненә багышланган «Игелекле эшләр марафоны» традицион акциясе узды.

Игелекле эшләр Марафоны кысаларында мөмкинлекләре чикле балалар катнашында концерт программасы узды. Шәһәр-район җитәкчеләре, иганәчеләр сәламәтлек мөмкинлекләре чикле балалар тәрбияләүче гаиләләргә матди ярдәм күрсәтте. 

Бүгенге Игелекле эшләр марафоны барышында 92 мең сум акча җыелды.

Игелекле эшләр марафоны турында тулырак «Алабуга нуры» газетасының киләсе санында укырга мөмкин.