Алабугада компьютер томографиясенә керү урынында янкорма төзиләр

Алабуга үзәк район хастаханәсенең компьютер томографиясе бүлмәсенә керү урынында янкорма төзергә планлаштыралар. Компьютер томографиясен үтәргә теләүчеләрнең артуы һәм кешеләр арасында социаль дистанция саклауның мөһимлеген истә тотып, өстәмә пристрой төзүнең кирәклеге турында карар кабул ителде. 
ЦРБда хәбәр итүләренчә, бина җылытылачак. Төзелеш эшләренең хәйриячесе — «Алабуга» икътисади зонасы.
Моннан тыш, икътисади зона стационарга махсус хезмәткәрләр өчен керә торган урынны да яңартачак. Монда ишек алыштырылачак, магнит йозак һәм пандус куелачак.