Алабугада Сабантуй гөрләп узды

Сабан туенда район башлыгы Геннадий Емельянов, район җитәкчеләре, кунаклар чыгыш ясады. Тантана көндезге сәгать 11дә башланып китте. Гадәт буенча чәчү батырларын хөрмәтләделәр. Чәчү батыры – 2018 исеменә ҖЧҖ “Нократ таңнары” механизаторы Василий Колбасов ия булды. Сабан туенда олылар да, балалар да күңел ачты. Алар милли йортларны карады, районыбызда яшәүче милләтләр көнкүреше белән танышты. Чүлмәк вату, йоиыркалы кашык белән йөгерү, колгага менү һәм башка бик күп чаралар булды. Нәниләр өчен көне буе аттракционнар эшләп торды. Балалар өчен аерым Сабантуй мәйданчыгы эшләде. Сабан туеның иң күркәм тамашасы ул бил алышу – милли көрәш. Быел абсолют батыр исемен Азат Кавиев яулады.